الإجابة الصحيحة: عندي تكيسات شديده من قبل الجواز ومتجوزه من ١٣ سنه وعندي معاذ اللهم بارك ١٠ سنين ومن اربع سنين روحت لدكتور واداني منشط لاني مش بحمل غير على المنشط اخدت ١٢ حقنه… عرض الشرح
0 تصويتات
سُئل أبريل 1، 2020 بواسطة زائر
تجربتي مع فرط التنشيط؟

 

  لا اله الا الله

4 إجابة

0 تصويتات
تم الرد عليه أبريل 1، 2020 بواسطة زائر
مختارة أبريل 1، 2020 بواسطة مجهول
 
أفضل إجابة
عندي تكيسات شديده من قبل الجواز ومتجوزه من ١٣ سنه وعندي معاذ اللهم بارك ١٠ سنين ومن اربع سنين روحت لدكتور واداني منشط لاني مش بحمل غير على المنشط اخدت ١٢ حقنه مريونال وبعدها عطاني ٢ كريمون تفجير مع بعض وكنت بحس بتعب شديد ومتحمله وبقول يارب يبقى حمل وقبل معاد البريود بيومين عملت التحليل وطلع حمل وفرحت اوي وقولت هروح بعد اسبوعين عشان الكيس يبان وبحس بتعب غريب بس مستحمله لغايه لما روحت للدكتور وقالي مبروك حامل في ٣ اجنه وهو خارج من اوضه الكشف ناديته وقولتله في حاجه مكلكعه في بطني في حاجه مش طبيعيه بص بالسونار قالي تنشيط زياده وهيروح مع الوقت طب عادي يا دكتور ٣ اجنه قالي اه كلي كويس وعطاني لبوس مثبت وقالي تعالي بعد شهر...
ثاني يوم العصر لقيت نفسي بموت. البول محبوس ومش قادره اخد نفسي وبرجع وبطني منفوخه اخدوني بسرعه على المستشفى عقبال لما وصلت اغمى عليا ودخلوني العنايه هيمجلوبين ٥ وضغط عالي وسكر ٤٥٠ وميه على الرئه كل اجهزه الجسم فيها خلل قعدت ١٠ ايام في العنايه وانا مش قادره أقف على رجلي وبالاضافه ان جتلي الصفرا وبعد كده طلعوني غرفه وجمبي انبوبه أكسجين عشان النفس وطبعا كل يومين يتنقلي كيس دم ومش بنام الا وانا قاعده عشان الميه اللي على الرئه ودرجه الحراره كل شويه توصل ل ٤٠ وكل ده الاجنه الثلاثه تمام.. قعدت شهر بالظبط واخر يوم وانا طالعه من المستشفى عملوا سونار وكانت المفجاءه. انتي حامل في اربعه مش ثلاثه خرجت من المستشفى ورحت لدكتور اشرف أبوعلي عشان يلحقني ويسحب من الاجنه قالي اسف الاجنه كبيره وبتتحرك مش هينفع اسحب وبعتني لدكتور عماد درويش وكان نفس الكلام وبقي يقولي الله يكون في عونك ربنا معاكي.. مكنتش باكل ولا بنام وفكرت انزل كل الاجنه واعمل إجهاض من التعب اللي انا فيه بس برضوا الدكتور رفض.. معلش طولت عليكم
اختصار الكلام روحت المستشفى وانا في أول الرابع عشان يعملولي ربط بس كنت داخله الحمام على الفجر لقيت جنين نزل ولحقته على أيدي وفضلت في المستشفى وبعدها ب ١٥ يوم اتكرر نفس الموقف بس المره دي الجنين كان بيتحرك على أيدي كان اربع شهور ونص.. وحصلي نزيف رهيب والدكتور قالي لازم تاخدي طلق صناعي وتنزلي باقي الاجنه لان النزيف مش راضي يوقف وانا كنت رافضه واختي جت بقيت تصوت من شكل الاوضه وهي عباره عن بحر دم والبطاطين والسرير. المنظر كان رهيب لغايه لما روحت في غيبوبه وجوزي جيه وكتب إقرار للدكتور انه يعمل اللي هو شايفه صح واخدت الطلق الصناعي ونزلت باقي الاجنه ودفنت ٣ اجنه وكان يوم جمعه في رمضان... والحمد لله على كل شئ اتكتبلي عمر جديد كنت كل يوم بشوف الموت.. ربنا يجعلهم زخرا ليا في الجنه ويرزقنا جميعا الذريه الصالحه
بس بعد كده اسكت لا كملت المشوار في الحقن
0 تصويتات
تم الرد عليه أبريل 1، 2020 بواسطة زائر
نفس اللى بيحصلى فرط تنشيط لا حول ولا قوة الا بالله العلى العظيم بس انا للاسف مفيش ولا مره حتى حصل حمل
0 تصويتات
تم الرد عليه أبريل 1، 2020 بواسطة زائر
نفس موضوعي بس انا معنديش مشاكل عند جوزي دوالي و كنت حامل ف تلاته بس حقن والدكتور شفط ليا جنين اول التالت وربط اخر التالت وجالي تسمم حمل ومكروب ونزلت الاتنين اخر الرابع واحد ميت والتاني حي بسبب اهمال الدكتور
0 تصويتات
تم الرد عليه أبريل 1، 2020 بواسطة زائر
الحمد لله يا حبيبتي ان ربنا لطف بيكي ونجاكي لابنك واهلك، يارب يجعل تعبك كله في ميزان حسناتك ويعوض صبرك خير يارب ويجبر بخاطرك بحمل سليم معافا من غير اي مشاكل يا رب

أسئلة مشابهة

0 تصويتات
1 إجابة
0 تصويتات
1 إجابة
سُئل ديسمبر 16، 2021 بواسطة زائر
0 تصويتات
1 إجابة
سُئل سبتمبر 10، 2021 بواسطة زائر
مرحبا بكم في موقع "ساعدني" – وجهتكم الشاملة للحصول على أحدث أسئلة وإجابات مناهج السعودية، حلول الكتب الدراسية، ودعم الطلاب في جميع المراحل التعليمية.
...