Question

العداد عامل خطوط متقطعه؟ اهلا بكم في موقع نصائح من أجل الحصول على المساعدة في ايجاد معلومات دقيقة قدر الإمكان من خلال إجابات وتعليقات الاخرين الذين يمتلكون الخبرة والمعرفة بخصوص هذا السؤال التالي : . العداد عامل خطوط متقطعه؟ وفي النهاية بعد ما قدمنا الإجابة لكم في الأسفل علي سؤالكم العداد عامل خطوط متقطعه؟ نتمنى لكم النجاح والتفوق في حياتكم، ونرجو أن تستمروا في مواصلة زيارة موقع tipsfull.com وأن تواصلوا الحفاظ على طاعة الله وفعل الخيرات ومساعدة الاخرين.

Answer 1

خطوط متقطعة في الشاشة : -
مرات الشاشه بتعمل خطوط متقطعه .. و دا معناها في حموله زايدة ...المطلوب منك تفصل الأجهزة الكهربائيه كلها داخل البيت و تخليها 5 دقايق مثلا و تبدأ تشغل الأجهزة حقتك واحدة واحدة ..و يا حبذا لو شغلت الضروريه و القدر حوجتك بس
و لو المشكله ما إتحلت نزل أرقام التنشيط دي
5649  3153  7254  5031  3471
الأرقام دي أرقام تيست للعداد ..بتنشط العداد و بتختبرو .. و لو ما نجحت الحركه دي معناها العداد معطل و مفروض عربيه الطوارئ تجي تعالج ليك المشكله و غالبا ما يغيرو ليك العداد

خطوات مهمة × عداد المهرباء
قبل الإتصال بالطوارئ

تعالو أوصف ليكم حاجات صغيرة مهمه في
مشاكل الكهرباء المتكررة مع الخريف و عربات الطوارئ الما بتجي بي سرعه
في أعطال ممكن الزول يعالجها و يوفر علي نفسو زمن و مجهود
 1 / التامبر
يلا العداد الفي العمود فوق دا مرات بتدخلو مويه مطرة .. لأنو أغلب العلب فاتحه .. العداد بقوم يأمن و بفصل الكهرباء طوالي ..الشاشه جوة البيت بتكون شغاله بس بتظهر فيها علامه لمبه صغيرونه كدة أسفل يمين الشاشه .. تحت أرقام الكيلومترات طوالي
في الحاله دي و لا تبلغ الكهرباء زاتو ..تمشي براك مكتب الكهرباء و تقيف في الكاونتر زي العايز تشتري كهرباء ..تقول للموظف أديني تامبر في رقم العداد دا ..بديك 20 رقم  مجاناً و الله  ..
تمشي البيت تنزلها زي ما قاعد تنزل الكهرباء ..و مبروك مقدماً رجوع الكهرباء
العطل دا ممكن يتكرر كم مرة و كل ما تجي مطرة ..بس كل مرة بتطلب منك أرقام تامبر جديدة ..و برضو مجانيه
العطل دا في الغالب بظهر أيام الخريف
  2 / ال (E. 07) : -
و بتكون الشاشه في البيت ظاهر فيها كمية الكهرباء و بتختفي و بتظهر (E. 07)
دا ما عطل داخلي في الزاويه او. مفتاح التأمين
 / المشكلة إما تكون الكهرباء ضعيفه أو عطل في زاكرة العداد &nbsp ; و دي بتتعالج بي غيار الخط &nbsp ; أو غيار العداد &nbsp ; عن طريقة عربية الطوارئ و غالبا هنا بتكون الكهرباء ما شغالة .
 / سلك الشاشه ملامس لي التيارات في الزاويه أو ملامس زنكي أو فيهو جزء عريان و ملامس الحيطه
و دي غالبا الكهرباء بتكون شغاله لكن الشاشه فيها علامةE07 و دي حلها معاالجة السلك العامل التلامس
  3 / خطوط متقطعة في الشاشة : -
مرات الشاشه بتعمل خطوط متقطعه .. و دا معناها في حموله زايدة ...المطلوب منك تفصل الأجهزة الكهربائيه كلها داخل البيت و تخليها 5 دقايق مثلا و تبدأ تشغل الأجهزة حقتك واحدة واحدة ..و يا حبذا لو شغلت الضروريه و القدر حوجتك بس
و لو المشكله ما إتحلت نزل أرقام التنشيط دي
5649  3153  7254  5031  3471
الأرقام دي أرقام تيست للعداد ..بتنشط العداد و بتختبرو .. و لو ما نجحت الحركه دي معناها العداد معطل و مفروض عربيه الطوارئ تجي تعالج ليك المشكله و غالبا ما يغيرو ليك العداد
  4 / العطل الداخلي : -
و دا بتكون الشاشة في البيت قارية في وضعها الطبيعي و ظاهر فيها كمية الكهرباء لكن الكهرباء في البيت قاطعة .
و غالبا ما تكون رخاوة في مفاتيح التأمين أو الفيوزات أو الزاوية أو مدخل الكيبل .
و علاجها ممكن عن طريق كهربائي يراجع الفيوزات و مفتايح التامين و إذا المشكله ما إتعالجت عليك الإتصال بالرقم  4848 لمعاجتها من العمود أو الطبلون
و شكراً
↔ منقول ↔